Зошто војничкиот грав е посебно вкусен?

0
377

Неодамна беше објавен специјализираниот готвачмна веб-страницата „ЈНАкухар“ со што им се овозможува и на цивилите да дознаат што има во составот на војничкиот грав за кој велат дека е „најдобриот грав“.

Состојки:

120 грама грав
8 грама пченично брашно тип 800
20 грама кромид
1 грам лук

10 грама морков

3 грама концентрат од сок од домат

100 грама говедско месо
20 грама маст или масло
0.3 грама црвен пипер во прав
0.1 грама бибер
1 гранче магдонос
1 грам додаток за јадења (вегета)

0.01 грам ловоров лист
Сол по вкус

* Овие мерки се однесуваат за околу 5 децилитри готово јадење.

Готвачите на  ЈНА препорачуваат да не се меша гравот сè до неговото запржување.

Подготовка:

Истребениот грав се потопува во студена вода водејќи сметка притоа да има доволна количина вода за да не ја „испие“ целата при набабрувањето и да остане сув.

Потопениот грав се остава да отстои од 1 до 3 часа, на студено место. Потоа водата се процедува, па се налева нова студена вода и се става на оган на околу 10-15 минути, додека да зоврие.

Во меѓувреме, на малку врело масло се додава половина ситно сецкан кромид и рендан морков, малку се пржат, па се додава месото, кое е претходно одвоено од коските и исечено на коцки. Сето заедно се динста додека не испари испуштената течност.

Од проварениот грав се цеди водата, па му се додава топла вода и половина ситно сецкан кромид, па се остава да се вари. Кога гравот е полусварен, му се додаваат пржениот кромид и месото. Се вари со повремено долевање топла вода (по потреба) сè додека гравот не омекне.

На малку загреано масло се додава брашно и се пржи додека благо да порумени. Потоа се исклучува и веднаш се додава црвен пипер во прав и ситно сецкан и толчен лук, па добро се меша. На гравот му се додава ловоров лист, зачинот, концентриран сок од домати (претходно разреден во малку млака вода), се посолува и се запржува со постојано мешање за да не се згрутчи запршката.

Гравот со запршката треба да се вари уште 20-30 минути, а потоа се исклучува, се додава мелен бибер, ситно сецкан магдонос и сол по потреба.

Гравот при варењето не смее да се меша до запржувањето!

За посен грав, иста е постапката, може да се додадат суви пиперки, претходно два часа киснети во вода.